ഇവിടെ ബിരിയാണി കിട്ടും

പ്രിയ സ്നേഹിതരെ...
ബൂലോകത്തിലെ എല്ലാ കൂട്ടുക്കാര്‍ക്കും സന്തോഷം നിറഞ്ഞ പെരുന്നാളാശംസകള്‍
കഴിഞ്ഞ വര്‍ഷം പെരുന്നാളിന്‌ ബൂലോകത്തുള്ളവര്‍ക്ക്‌ വേണ്ടി ഞാനൊരു ബിരിയാണി തയ്യാറാക്കിയിരുന്നു....മിക്ക ആളുകളും വന്ന്‌ അവരാല്‍ കഴിയുന്ന വിധത്തില്‍ തീര്‍ത്ത്‌ തരാന്‍ കഠിന പരിശ്രമം നടത്തി ഒരു വിധം കഴിച്ച്‌ പോയിരുന്നു......എന്നിട്ടും
ഇത വീണ്ടുമൊരു പെരുന്നാള്‍ കടന്നു വന്നിരിക്കുന്നു.....ഇവിടെയും ആളുകള്‍ ഒരിക്കല്‍ കൂടി ബിരിയാണി പ്രതീക്ഷിക്കുന്നുവെന്നറിയാം....കൂടാതെ ഒരുപ്പാട്‌ പുതിയ പുതിയ ബ്ലോഗ്ഗര്‍മാരും ബൂലോകത്തേക്ക്‌ വന്നിട്ടുണ്ട്‌സന്തോഷം തന്നെ.
സമയകുറവാണ്‌ വില്ലന്‍....അത്‌ കൊണ്ട്‌ കഴിഞ വര്‍ഷത്തെ ബാക്കി വന്ന ബിരിയാണി ഒരു വര്‍ഷമായി സ്വന്തമായി ഒരു കോള്‍ഡ്‌ സ്‌റ്റോറെജ്‌ വാടക്കക്കെടുത്ത്‌ സൂക്ഷിച്ച്‌ വെച്ചിരിക്കുകയായിരുന്നു.... ഇത നിങ്ങള്‍ക്കായ്‌ സെക്കന്‍ഡ്‌ ഹാന്‍ട്‌ ബിരിയാണി.
ചാടി വീഴല്ലേ....ചൂടുണ്ട്‌
ഇനി ബിരിയാണി തന്നില്ല...ബിരിയാണി കിട്ടിയില്ല എന്ന പരാതിയുമായി ഇങ്ങോട്ട്‌ വന്നേക്കല്ലേ
ഇവിടെ ക്ലിക്ക്‌ ചെയ്യുക...>> ബിരിയാണി ഇവിടെ കിട്ടും

പ്രത്യേകം ശ്രദ്ധിക്കുക: ഈ ബിരിയാണിയുടെ ഉള്ളില്‍ ഒരു സ്വര്‍ണ്ണ മോതിരം തുടക്കുന്ന സില്‍ക്കിന്‍റെ തുണി ഒളിപ്പിച്ച്‌ വെച്ചിട്ടുണ്ട്‌..ആരാണാ ഭാഗ്യവാന്‍.......കാത്തിരുന്നു കാണാം...>

നന്‍മകള്‍ നേരുന്നു

വാലെന്‍റ്റൈന്‍ .... ജനനം ഇങ്ങിനെ

വഴിയോരകാഴ്‌ചകള്‍ - 22

പണ്ട്‌ പണ്ട്‌ ഒരു ബ്ലോനാട്ടിലൊരു പ്രയാസിയുണ്ടായിരുന്നു. വളരെ നല്ല സ്വഭാവമെന്ന്‌ പറഞ്ഞാല്‍ അഹങ്കരിച്ചാലോ....

എങ്കിലും ആള്‌ ശുദ്ധനായിരുന്നു. ഒരു മഴയില്‍ നനഞ്ഞ്‌ നടന്നു പോകുബോളാണ്‌ ഞാന്‍ ഈ പ്രയാസിയേ കണ്ടത്‌. ആ യാത്രയില്‍ ഒരുപ്പാട്‌ സംസാരിച്ചു.

യത്ര പറഞ്ഞ്‌ പിരിയുന്നേരം ഞാന്‍ അത്‌ കണ്ട്‌ ഞെട്ടി. ദേ പ്രയാസിയുടെ പിറകിലൊരു വാല്‍.

ഞാന്‍ വാല്‍ കണ്ടത്‌ പ്രയാസി മനസ്സിലാക്കി എന്ന്‌ തോന്നുന്നു. ഒരു ചെറു ചമ്മലോടെ തലയും തഴ്‌ത്തി യാത്രയായ്‌.......

കാലങ്ങള്‍ മുന്നോട്ടോടി.....ബ്ലോഗ്ഗില്‍ തിരകിട്ട കറക്കത്തിനിടയില്‍ വീണ്ടും പ്രയാസിയേ കണ്ടു മുട്ടി. കൂടെ വാലില്ലാത്ത ഒരു സഹയാത്രികനും.

എന്തായാലും ഇന്ന്‌ പ്രയാസിയോട്‌ വാലിന്റെ കാര്യം ചോദിച്ച്‌ മനസ്സിലാക്കണമെന്ന തീരുമാനത്തിലായിരുന്നു ഞാന്‍.

സംസാരത്തിനിടയില്‍ പ്രയാസി ഒന്ന്‌ മാറിയപ്പോല്‍ ഞാന്‍ സഹനോട്‌ പ്രയാസിയുടെ വാലിന്റെ കാര്യം തിരക്കി.

പക്ഷേ പ്രയാസിയുടെ വാലിനെ കുറിച്ച്‌ സഹന്‌ യാതൊന്നുമറിയില്ലായിരുന്നു.
പിന്നെയാണത്‌ ഞാനും ശ്രദ്ധിച്ചത്‌ പ്രയാസിയുടെ പിറകില്‍ പണ്ട്‌ കണ്ട വാല്ലില്ലാ...

ഹഹാഹഹാ........ഇത്‌ നല്ല കഥ...........

അല്ല മാഷേ....ഇങ്ങളെ പിറകിലുണ്ടായിരുന്ന വാലെന്തെയ്‌...??

ഒന്നും പറയണ്ട...........അതൊരു ചെല്ല കിളി ഒപ്പിച്ച പണിയായിരുന്നു..
സ്കൂളിലെ നാടകത്തില്‍ ഹനുമാന്റെ വേഷം ചെയ്യ്‌ത്‌ മടങ്ങുന്ന വഴിയില്‍ വെച്ചാണ്‌ അന്ന്‌ നമ്മള്‍ കണ്ടത്‌.

വേഷം മാറിയപ്പോല്‍ വാല്‍ എടുക്കാന്‍ കൂടെയുണ്ടായിരുന്നു ചെല്ല കിളി മനപൂര്‍വ്വം മറന്നു.

വീട്‌ വരെ അങ്ങിനെയാണ്‌ പോയത്‌........ആളുകള്‍ നോകി ചിരിക്കുന്നുണ്ടെങ്കിലും വാല്‍ കാരണമാണെന്ന്‌ ഞാനറിഞ്ഞില്ല........

എന്തായാലും....പിറ്റേന്ന്‌ കാണുന്നവരൊക്കെ ചോദിക്കാന്‍ തുടങ്ങി...

വാല്ലെന്തേയ്‌...വാല്ലെന്തേയ്‌..........

ഈ ചോദ്യത്തില്‍.......നിന്നാണ്‌പിന്നീട്‌ വാലെന്‍റ്റൈന്‍...എന്ന വാക്ക്‌ ഉണ്ടായത്‌ എന്നാണ്‌ കുറുപ്പുമാര്‍...പറഞ്ഞ്‌ കേള്‍ക്കുന്നത്‌.

പിന്നീട്‌ ഈ വാല്‍ സംഭവം ഒപ്പിച്ച ചെല്ലകിളിക്ക്‌ വേണ്ടി തന്നെയായിരുന്നു തീപെട്ടി മഹല്‍ ഉണ്ടാക്കിയതും.

അപ്പോ അങ്ങിനെയാണ്‌ വാലെന്‍റ്റൈന്‍ ഉണ്ടായത്‌.

ഈ കഥക്ക്‌ ...ജനിക്കാന്‍ പോക്കുന്നവരോ..ഇനിയും ജനിച്ചിട്ടില്ലാത്തവരുമായോ...യാതൊരു ബന്ധവുമില്ല.അഥവ അങ്ങിനെ തോന്നുന്നുണ്ടെങ്കില്‍ അത്‌ വെറുമൊരു തോന്നല്‍ മാത്രമാണ്‌.

നന്‍മകള്‍ നേരുന്നു

ആരാണ്‌ തെറ്റുകാര്‍..??

വഴിയോരകാഴ്‌ചകള്‍ 21

എനിക്ക്‌ വയ്യ മടുത്തു. എത്രയെന്ന്‌ വെച്ച ഇതൊക്കെ പറഞ്ഞ്‌ കൊടുക്കുന്നത്‌. എല്ലാത്തിനും ഒരു പരിധിയില്ലേ. ജീവിത പ്രശ്‌നമാണ്‌.
എത്ര കാലമെന്ന്‌ വെച്ച ഇങ്ങിനെ കഴിയുന്നത്‌.

ആര്‍ക്കായാലുമുണ്ടാവില്ലേ മനസ്സിലൊരു ആഗ്രഹം. ഒരു വീട്‌ , ഒരു കാറ്‌...ഇങ്ങിനെ ഒരുപാട്‌ സ്വപ്‌നങ്ങള്‍. പക്ഷേ പ്രതീക്ഷിച്ചിട്ട്‌ എന്തു കാര്യം.

നമ്മള്‍ മാത്രം വിചരിച്ച മതിയോ...അവരും കൂടി മനസ്സ്‌ വെക്കേണ്ടേ...
ഇപ്പോ ഏകദേശം മൂന്ന്‌ മാസമായി ഞാന്‍ ഇവനെ ഒന്ന്‌ പഠിപ്പിക്കാന്‍ തുടങ്ങിയിട്ട്‌.

എന്ത്‌ കാര്യം...ചുമ്മ സമയം കളയുന്നു എന്നല്ലാതെ........ഒരു പ്രതീക്ഷയുമില്ല.

അല്ല മഹിളാമണി നീ ആരുടെ കാര്യമാണ്‌ പറഞ്ഞോണ്ടിരിക്കുന്നത്‌..??

എന്റെ മകന്റെ കാര്യം തന്നെ...അല്ലാതാരുടെ പറയ്യാന..ഒരു അനുസരണയുമില്ല. ഇങ്ങോട്ട്‌ വിളിച്ചാല്‍ അങ്ങോട്ട്‌ പോവും,

പഠിപ്പിച്ചു കൊടുക്കുന്നതൊന്നും മനസ്സിലാക്കുന്നില്ല. സമ്മാനം ഒന്നും രണ്ടും ലക്ഷമല്ല..ഒരു കോടിയാണ്‌.

ഓ അതു ശരി അപ്പോ റിയാലിറ്റി ഷോയുടെ കാര്യമാണ്‌ പറഞ്ഞു വരുന്നത്‌ അല്ലേ മഹിള മണി..?

അതെ അതു തന്നെ കാര്യം... ആസ്യാ നെറ്റില്‍ മോനെ തെരഞെടുത്തു ..ഇനിയങ്ങോട്ട്‌ ഒരുപാട്‌ പ്രിപ്രേഷന്‍ വേണം.

ഓ മഹിളമണി ഭാഗ്യവതിയാണ്‌ ട്ടോ..പഴയ പോലെ അല്ല ഇപ്പോ .സെലക്‌ഷന്‍ കിട്ടുന്നതിന്‌ കാശ്‌ അങ്ങോട്ട്‌ കൊടുക്കണമെന്നൊക്കെ കേള്‍ക്കുന്നുണ്ട്‌.

മകന്‍ എന്തൊക്കെ ചെയ്യും??

പാട്ട്‌ പാടും , ഡന്‍സ്‌ ചെയ്യും,ഭയങ്കര കളിയാണ്‌ , മനുഷ്യര്‍ തിന്നുന്ന എല്ലാ ഭക്ഷണവും മകന്‍ തിന്നും....പിന്നെ എന്റെ മകനായത്‌ കൊണ്ട്‌ പറയല്ല ട്ടോ , സുന്ദരനാണ്‌ കാണാന്‍...

അതൊക്കെ പോട്ടെ മോനിപ്പോ എത്ര വയസ്സായി...??

ഒന്‍പത്‌ മാസമാവുന്നു.......മുട്ടിലിഴയുന്നത്‌ കാണണം നല്ല രസമാണ്‌...

ഒന്‍പത്‌ മാസമുള്ള കുട്ടിക്കും റിയാലിറ്റി....

പക്ഷേ...സ്‌നഗ്ഗി ബേബിക്ക്‌ സ്‌നഗ്ഗി താങ്ങാനുള്ള കരുത്തു പോലുമില്ല......

ഇശ്വരാ അഞ്ചാമത്തെ മാസത്തില്‍ തന്നെ എന്റെ കുട്ടി നടന്നിരുന്നെങ്കില്‍ ഒരു ലക്ഷം കാണിക്കപ്പെട്ടിയിലിടാമായിരുന്നു... എന്നാലും ബാക്കി നാല്‌ ലക്ഷവും , കാറും ലാഭം...

എല്ലാ കുഞ്ഞുങ്ങളും ഒന്നല്ലേ......

നിഷ്‌കളങ്കമായൊരാ പുഞ്ചിരിയിലും വേര്‍തിരിവോ???


നന്‍മകള്‍ നേരുന്നു

ഹിന്ദുക്കളെ ഓടിക്കാന്‍ മുസ്ലിം ശക്തി

വഴിയോരകാഴ്‌ചകള്‍ - 20


അല്ല കുഞ്ഞാലിക്ക എന്താപ്പോ ഇന്ന്‌ മുഖത്തൊരു ചിരി..??

കുറുപ്പിന്റെ ചായകടയിലേക്ക്‌ കയറി വന്ന കുഞ്ഞാലിക്കാനോട്‌

മങ്കൂസ്സ്‌ മുസിലിയാരുടെ ചോദ്യം.


ഹഹാഹഹാ...ഞമ്മക്ക്‌ ചിരികാനൊരു വക ഒത്തിട്ടുണ്ട്‌ മങ്ക്കൂ..

അതല്ലേ...ഈ ചിരി...ഹഹഹാഹഹാ


ഇങ്ങള്‌ കര്യം പറയിന്‍ മന്‍സ്സാ...

ഇന്ന ഞമ്മക്കുമൊന്ന്‌ ഇങ്ങള കൂടെ ചിരിചൂടെ..അല്ല പിന്നെ




മങ്കൂസ്സ്‌...ഞമ്മള്‌ മുസ്ലീങ്ങളെ മറ്റ്‌ ജാതിക്കാര്‌ ബല്ലാണ്ട്‌ ബുദ്ധിമുട്ടിക്ക്‌ണ കാര്യം ഇങ്ങക്കറിയാലോ...അയിനൊക്കെ ഒരു വഴി കണ്ട്‌ പുടിചിക്ക്‌ണ്‌...ഹിഹീഹീ


അല്ല കുഞ്ഞാലിക്ക..ഇങ്ങള്‌ ഞമ്മള ചായകടയില്‍ വന്ന്‌ വര്‍ഗ്ഗീയത ഉണ്ടാകാണൊ...

ഞമ്മളും ഈ നാട്ടുകാരനാണ്‌ അതു മറക്കണ്ട ട്ടോ..കുറുപ്പ്‌ കുഞ്ഞാലിയോട്‌


ഇന്റെ കുറുപ്പേ ഇങ്ങള്‌ ഒരാള കാര്യമല്ല ഞമ്മള്‌ പറഞ്ഞത്‌..

കണ്ടില്ലേ കണ്ണൂര്‌ എത്ര മന്‍സന്‍മാര മരിച്ച്‌ ബീയുന്നത്‌...വല്ല കണക്കുമുണ്ടാ......

രാഷ്ട്രീയക്കാര്‍ക്ക്‌ ഒരു രക്ത സാക്ഷി കൂടും..പക്ഷേ മരിച്ചോന്റെ ബീട്ടുക്കാര്‍കോ.....


അല്ല ഇങ്ങള്‌ ഇപ്പളും കാര്യം പറഞ്ഞീല്ല....മങ്കു മുസ്ലിയാര്‍ കുഞ്ഞാലികാക്ക്‌ നേരെ...


അതേ മുസ്ലിങ്ങള്‍ക്കും പവര്‍ കിട്ടി....



എന്താപ്പോ ഈ പവര്‍..?? ഇങ്ങള്‌ തെളിച്ച്‌ പറയിന്‍ കുഞ്ഞാലിക്ക


ഇന്നലെ ഞമ്മള്‌ ടീവീല്‌ കണ്ടതാ.........


പവര്‍ എന്ന്‌ വെച്ച ശക്തി..........


ഹഹാ അതു കൊള്ളാലോ... അപ്പോ ഞമ്മക്കും ബേണോങ്കി ഒരു കലാപമൊക്കെ

ഇനി ഇണ്ടാക്കം അല്ലേ...


അതിനു മറുപടിയായി കുറുപ്പ്‌... എന്തിന ഇപ്പൊ ഇവിടെ ഒരു കലാപംഹിന്ദു , മുസ്ലിം , ക്രിസ്ത്യാനി

എന്ന വേര്‍തിരിവിലാണോ നമ്മല്‍ ഇവിടെ ജീവിക്കുന്നത്‌..? ഓണം വന്നാലും..ക്രിസ്തുമസ്‌ വന്നാലും..ഈദ്‌ വന്നാലും ഇവിടെ ഒരു പോലെയല്ലേ നമ്മല്‍ ആഘോഷിക്കുന്നത്‌...


രാഷ്ട്രീയകാരുടെയും...മുതലാളിമാരുടെയും വാക്കുകള്‍ കേട്ട്‌ നാട്ടില്‍ കലാപമുണ്ടാക്കുന്നവര്‍ തീ വെക്കുന്നതും...കല്ലെറിയുന്നതും..സ്വന്തം ജീവന്‍ പണയപ്പെടുത്തിയാണെന്ന്‌ പലപ്പോഴും മറന്നു പോവുന്നു.


സഘട്ടനങ്ങളില്‍ മരിച്ചു വീഴുബോല്‍...ആ വീട്ടുക്കാര്‍ക്ക്‌ ബാക്കിയാവുന്നത്‌... വമ്പന്‍മാര്‍ ജീവനില്ല ശരീരത്തില്‍ വെച്ചു പോയ.....മരണമണമുള്ള റീത്തുകള്‍ മാത്രം.


മരിച്ചവരെ വീണ്ടും വീണ്ടും ടീവിയിലൂടെയും..പത്ര മാധ്യമങ്ങളിലൂടെയും മരിപ്പിക്കുന്നത്‌ രാഷ്ട്രീയ ലാഭമെങ്കില്‍..അതു കണ്‍മുന്നില്‍ കാണുന്ന നഷ്ടപ്പെട്ടവന്റെ വേദന മനസ്സിലാക്കാന്‍ സാമാന്യ ബുദ്ധി മതി മനുഷ്യനെങ്കില്‍..


പരസ്‌പരം സ്നേഹത്തോടെയും...സാഹോദര്യത്തോടെയും കഴിയുന്ന മനുഷ്യര്‍ക്കിടയില്‍ വിഷം കുത്തി വെക്കുന്ന പിശാചുകളെ കല്ലെറിഞ്ഞു കൊല്ലണം....


കോഴിക്കോടോ..തിരുവനന്തപുരമോ..എത്തി ചേരാന്‍ പല വഴികളുണ്ട്‌ മുന്നില്‍...അത്രയേ മതത്തിന്റെ കാര്യത്തിലുമുള്ളു.എങ്ങിനെ പ്രാര്‍ത്ഥിച്ചാലും എത്തി ചേരുന്നിടം ഒന്നു തന്നെ.


പ്രാര്‍ത്ഥിചാലേ ഫലം കിട്ടൂ എന്നാണെങ്കില്‍ പാവം മിണ്ടാന്‍ വയ്യാത്തവര്‍ കഷ്ടത്തിലാവും..


മതി കുറുപ്പേ...ഇങ്ങള്‌ പറഞ്ഞതൊക്കെ ശരിയാണ്‌പക്ഷേ അതോണ്ടൊന്നും ഈ നാട്‌ നന്നാവൂല്ലകുഞ്ഞാലിയേ ഇജ്ജ്‌ ആ ശക്തിന്റെ കാര്യം പറ...


അതേ മുസ്ലിങ്ങള്‍ക്ക്‌ ശക്തി കൊടുകുന്ന ഒരു സാധനം കണ്ടുപിടിച്ചു ...

ഇന്നലെ ഞമ്മള്‌ ടീവീല്‌ കണ്ടു..


അയിന്റെ പേരാണ്‌ മുസ്ലിം പവര്‍........ ഭയങ്കരനാ


ഹഹാഹഹാ മങ്കൂസ്സ്‌ മുസ്ലിയാര്‍ ചിരിയോട്‌ ചിരിപേര്‌ കേട്ടതും കുറുപ്പും ചിരി

തുടങ്ങി.....ഹഹാഹഹാ.......ചേ വെറുതെ ഒരു കലാപം കൊതിച്ചു


എന്റെ കുഞ്ഞാലി...അത്‌ മുസ്ലിം പവര്‍ അല്ല...ഈ മന്‍സന്റെ ഒരു

കാര്യം..........ഹഹാഹഹാഹഹിഹാഹി


അപ്പോ മുസ്ലിം ശക്തി കിട്ടൂലേ..?? കുഞ്ഞാലി


കിട്ടും കിട്ടും ഞമ്മള്‌ ഈ വയ്യസ്സന്‍മാര്‍ക്ക്‌ ശക്തി തരുന്ന സാധനമാണ്‌

അത്‌ മുസ്ലിം അല്ല ' മുസ്‌ലി പവര്‍ '





--------------------------------------------------------------------


പണ്ട്‌ ഇതു പോലെ ഒരു ഹാജിയരുണ്ടായിരുന്നു. മരത്തിന്റെ ബിസ്സിനസ്സായിരുന്നു പുള്ളിക്ക്‌. പുള്ളിയുടെ നല്ലൊരു കൂട്ടുക്കാരനായിരുന്നു അഡ്വക്കറ്റ്‌ മുസ്ലിം. മുസ്ലിം എന്ന്‌ തന്നെയായിരുന്നു പേര്‌.
ഒരിക്കല്‍ ഒരു അത്യാവശ്യ കാര്യത്തിന്‌ ഹാജിയാര്‍ മുസ്ലിമിന്റെ വീട്ടിലേക്ക്‌ ഫോണ്‍ ചെയ്യ്‌തു..


മറുതലക്കല്‍ സ്ത്രീ ശബ്ദം.


ഹാജിയാര്‍, ഹലോ മുസ്ലിം ഉണ്ടോ അവിടെ...??


ഇല്ല പുറത്തു പോയതാണ്‌....ആരാ..??


ഞാനാണ്‌ ഹാജിയാര്‍....


ശരി മുസ്ലിം വന്ന പറയാം..ഒക്കെ


ഇങ്ങള്‌ ആരാ??


ഞാന്‍ ഹിന്ദുവാണ്‌.........


കേള്‍ക്കേണ്ട താമസം..ഹാജിയാര്‍...എന്ത ഇങ്ങള്‌ ഞമ്മള കളിയാക്കാണോ..എന്ന്‌ ചോദിച്ച്‌ കുറെ ചീത്ത പറഞ്ഞു...


പിന്നീട്‌ മുസ്ലിമിനെ കണ്ടപ്പോ കര്യമറിഞ്ഞ്‌ ഹാജിയാര്‍ പൊട്ടി ചിരിച്ചു......


മുസ്ലിമിന്റെ വീട്ടില്‍ നിന്നിരുന്ന വേലക്കാരി ഹിന്ദുവാണ്‌ ഫോണെടുത്തത്‌....ഹഹാഹഹാ...


എപ്പടി...ഇന്ത സമാചാരം.........





നന്‍മകള്‍ നേരുന്നു

സ്റ്റാര്‍ട്ട്‌ ക്യാമറ ആക്‌ഷന്‍

വഴിയോരകാഴ്‌ച്ചകള്‍ - 19

നാടകം ആരംഭിക്കുന്നു.............
നിശ്ശബ്ദരായി ഇരിക്കുക...കര്‍ട്ടന്‍ പൊങ്ങുന്നു.

രംഗം : ഒന്ന്‌

കോഴിക്കോട്‌ മാവൂര്‍ ബസ്സ്‌ സ്റ്റാന്റ്‌. സമയം അഞ്ചുമണി...നല്ല തിരക്കുള്ള സമയം. നിലംബൂര്‍ വഴികടവിലേക്ക്‌ ബസ്സും കാത്തു നില്‍ക്കുന്ന ഒരമ്മയും , മകളും ,

അവര്‍കരികിലായി ...സുന്ദരനും..സുമുഖനുമായ ഒരു നീണ്ടതലമുടികാരന്‍..ഇടക്കിടക്ക്‌ അടുത്ത്‌ നില്‍ക്കുന്ന പെണ്‍കുട്ടിയെ നോകുന്നു. അവരതത്ര കാര്യമാകിയില്ല. ചെറുപ്പകാരന്‍ പതിയെ പതിയെ അവരുടെയടുത്തേക്ക്‌ അടുക്കുകയാണ്‌.

രംഗം : രണ്ട്‌

എന്താഡോ...അല്‍പമൊന്ന്‌ മാറി നിന്നൂടേ..?? അമ്മ പ്രതികരിച്ചു.ചെറുപ്പകാരനുണ്ടോ കേക്കുന്നു...അവന്‍ വീണ്ടും പെണ്‍കുട്ടിയുടെ അടുത്തേക്ക്‌ അടുക്കുകയാണ്‌....ഇപ്പോ പരിസരത്തുള്ള ആളുകളും ശ്രദ്ധിക്കാന്‍ തുടങ്ങി.

ഒരു ചെറു ചിരിയോടെ ആ ചെറുപ്പകാരന്‍ പെണ്‍കുട്ടിയുടെ കഴുത്തില്‍ കിടന്ന സ്വര്‍ണ്ണ മാലയും പൊട്ടിച്ചെടുത്തു....നടന്നകലുന്നു.

രംഗം : മൂന്ന്‌

അമ്മയും..മകളും..ചുറ്റിലും കൂടിയവരെല്ലാം അന്തം വിട്ട്‌ നില്‍ക്കുന്നു..അല്ല എന്താപ്പോയിത്‌ കഥ...?

പട്ടാപകലും പിടിച്ചു പറി തുടങ്ങിയൊ..?ദാ പോലീസുക്കാരന്‍ കാര്യം പറയൂ....

ആ സമയംകൂട്ടത്തിലൊരുവന്‍...അമ്മക്കരികിലേക്ക്‌ വന്ന്‌ കാതില്‍ പറഞ്ഞു...ചേച്ചി ഇത്‌ ആ ടീവിക്കാരുടെ പരിപാടിയാണ്‌...കാര്യമാക്കണ്ട.

ഇത്‌ കേട്ടതും അമ്മയുടെ കണ്ണുകള്‍ പരിസരം വീക്ഷിച്ചു...അയ്യോ..ദേ തൊട്ടുമുന്നില്‍ നിര്‍ത്തിയിട്ടിരിക്കുന്ന ഇന്നോവായില്‍ ക്യമറയും പിടിച്ചൊരാള്‍ നില്‍ക്കുന്നു...ഓഹ്‌ മനുഷ്യന്‍ പേടിച്ചു പോയി...

അമ്മ മകളോട്‌ കാര്യം പറയുന്നു..മകള്‍ പുഞ്ചിരിച്ചു നിന്നു...ഹഹാഹഹാ..അയ്യോ ഇനിയിപ്പൊ..ടീവിയില്‍ എല്ലാരും കാണില്ലേ....

രംഗം : നാല്‌

കാര്യമറിഞ്ഞവര്‍.... ഒന്നുകൂടി ശ്വാസം പിടിച്ച്‌ മുന്നിലേക്ക്‌ തള്ളി നിന്നു.... ഇനിയൊരവസരം കിട്ടിയാലോ എന്ന പ്രതീക്ഷയില്‍ പല സ്ത്രീകളും സാരികടിയിലൊളിചിരുന്ന മാലയെ ആരും കാണാതെ മെല്ലെ പുറത്തേക്ക്‌ എടുത്തിട്ടു.

വന്നാല്‍ ഒരു മുഖം..എന്ന ഭാവത്തോടെ സ്റ്റാന്റിലെ പോലീസുകാരനും അവിടം ചുറ്റി നിന്നു.
മാല കൊണ്ട്‌ പോയ ചെറുപ്പക്കാരനെയും വഹിച്ച്‌ വണ്ടി ഒന്ന്‌ രണ്ട്‌ തവണ സ്റ്റാന്റിനെ വലയം വെച്ചു....

ടീവിയില്‍ ഈ സംഭവം വരുന്ന കാര്യമോര്‍ത്ത്‌ അമ്മയും..മകളും മുഖാമുഖം നോകി ചിരിക്കുന്നു...

രംഗം : അഞ്ച്‌

സമയം ഓടി പോയി....

ഇപ്പോ ഇവിടെ ആള്‍കൂട്ടമില്ല ക്യമറയില്ല.......വണ്ടിയില്ല...ചെറുപ്പക്കാരനില്ല...
ഒന്നു കൂടി ഇല്ല........... എന്താത്‌..??
മാലയുമില്ല.........

പേപ്പറില്‍ അമ്മയും മകളും ഇളഭ്യരായി നിന്നു പറയുന്ന ' മാല ' നാടകത്തിന്റെ തിരക്കഥ എഴുതുകയാണ്‌ പോലീസുക്കാരന്‍...

അയാല്‍ നാടകമെഴുതുകയാണ്‌...ഇവിടെ ഞാനും

നന്‍മകള്‍ നേരുന്നു

സപ്പറിലൊരു മുട്ടലിന്റെ സുഖം

വഴിയോരക്കാഴ്ചകള്‍ 18

അപ്പോ പറഞ്ഞു വന്നത്‌ പണ്ട്‌ ഒരു സപ്പര്‍ കഥ പറഞ്ഞത്‌ ഓര്‍മ്മയില്ലേ..

' ഒരു ഒലക്കന്റെ കഥ...

അതു പോലൊരു സപ്പര്‍ വീണ്ടുമൊരിക്കല്‍ കൂടിയിരുന്നു.

അന്നത്തെ കൂട്ടുക്കാരില്‍ രതീഷും, ഞാനും മാത്രമേ ഈ സപ്പറിന്നുള്ളു.

പിന്നെ പുതിയ കൂട്ടുക്കാര്‍ പ്രമോദ്‌ ...പിന്നെ ഷെരീഫും...

ഒപ്പം ഞങ്ങളുടെ സപ്പറുകള്‍ക്ക്‌ വേണ്ട വിലപ്പെട്ട നിര്‍ദേശങ്ങള്‍ നല്‍ക്കാറുള്ള സുകുമാരേട്ടനുമുണ്ട്‌ കൂടെ.

രാത്രി...ഏറെ കഴിഞ്ഞിട്ടും പ്രമോദിനെ കാണുന്നില്ല... തണുപ്പകറ്റല്‍സ്സ്‌
വെള്ളങ്ങള്‍ റെഡി...കപ്പയും റെഡി (ഇത്തവണ കപ്പ എന്ന പേരിന്ന്‌ അല്‍പ്പം
ശ്രദ്ധ കൊടുത്തു .. അടി ഏതിലെയാണ്‌ വരുന്നതെന്ന്‌ പറയാന്‍
പറ്റില്ല..സനാതനന്‍ ഒരു വാര്‍ണിങ്ങ്‌ അന്നത്തെ സപ്പറില്‍ തന്നതാണ്‌
ഇങ്ങിനെയാണ്‌ എന്നോര്‍ക്കുന്നു ''' (ഞങ്ങള്‍ തിരുവനന്തപുരംകാരു കുറേയുണ്ട്
ബ്ലോഗില്‍ തെറി വിളിക്കുകയാണല്ലേ? അശ്ലീലം അശ്ലീലം. :)) '''...

പക്ഷേ ഗുനിയ എവിടെ...കോഴിയെവിടെ.....കോഴിയില്ലാതെ എന്ത്‌ സപ്പര്‍..??
അങ്ങിനെ സുകുമാരേട്ടനെ വെള്ളങ്ങള്‍ക്ക്‌ കാവല്‍ നിര്‍ത്തി
ഞാനും...ഷെരീഫും..രതീഷും കൂടി പ്രമോദിനെ അന്വേഷിച്ചു പോയി...

മിക്കപ്പോഴും ഹസ്സന്‍ ഹാജിയുടെ കോഴികൊട്ടാരത്തിലെ കോഴികളെയാണ്‌
പൊക്കുന്നത്‌....ധാരാളം കോഴികള്‍ ഉള്ളത്‌ കൊണ്ട്‌ ഹാജിയാര്‍ക്ക്‌
കുറയുന്നതിന്റെ കണക്ക്‌ കിട്ടാറില്ല..

പിന്നെ പോരാത്തതിന്‌ നമ്മുടെ രതീഷില്ലേ ഹാജിയാരുടെ കാര്യസ്ഥനും..

കണക്ക്‌ കിട്ടതിന്റെ കര്യം പുടികിട്ടിയില്ലേ..

അങ്ങിനെ പ്രമോദിനെ തിരഞ്ഞുള്ള പോക്ക്‌ ദാ അവന്റെ വീട്‌ വരെ എത്തി
നില്‍ക്കുന്നു...ഞങ്ങള്‍ പ്രമോദിനെ അന്വേഷിച്ചു ചെന്നയുടനെ അവന്റെ അമ്മ
ഞങ്ങളുടെ നേര്‍ക്കൊരു ചാട്ടം..നിങ്ങളാണൊ എന്റെ കുട്ടിയെ കോഴി പിടിക്കാന്‍ പറഞ്ഞയച്ചത്‌..??

കോഴിയോ എന്ത്‌ കോഴി...??

മന്‍സൂറെ ഞാന്‍ അമ്മയോട്‌ സപ്പറിന്റെ കര്യം പറഞ്ഞു ... എന്ന്‌ പ്രമോദ്‌..

ഓ..ആകെ നാണകേടായി.....ഇവനിതെന്തിനാ വീട്ടില്‍ പറഞ്ഞത്‌..

ഞാന്‍ രതീഷിനോട്‌ ആദ്യമേ പറഞ്ഞത..കൂടുതല്‍ ആള്‌ വേണ്ടാന്ന്‌..

പ്രമോദിന്റെ അമ്മ ഞങ്ങളോട്‌...പിന്നെ ഹാജിയരുടെ വീട്ടില്‍ കോഴിയെ പിടിക്കാന്‍ ചെന്നതിന്‌ അവര്‍ എന്റെ മോനെ പിടിച്ച്‌ ശരിക്കും തല്ലി..

പാവം നിങ്ങളുടെ ആരുടെയും പേരവന്‍ അവിടെ പറഞ്ഞില്ല...

അപ്പോഴാണ്‌ പ്രമോദ്‌ പിടിക്കപ്പെട്ടു എന്ന്‌ ഞങ്ങളറിയുന്നത്‌...

അങ്ങിനെ സപ്പര്‍ ‍ക്യാന്‍സല്‍ ആക്കാമെന്നും തീരുമാനിച്ച്‌ നേരെ
സുകുമാരനേട്ടനിലേക്ക്‌....

ഹലോ ഹലോ...കേള്‍ക്കാമോ..കേള്‍ക്കാമോ...

ഞാന്‍ കരുതിയത്‌ സുകുമാരേട്ടന്‍ ഫോണിലായിരിക്കുമെന്ന്‌..

പിന്നെയല്ലേ കാര്യം പിടികിട്ടിയത്‌...

പുള്ളി ഞങ്ങളെ കാണാതെ വിഷമിച്ച്‌.. വിഷമിച്ച്‌.. അല്‍പ്പം
തണുപ്പകറ്റിയതാണ്‌....ആ തണുപ്പകറ്റലിലൊരു..മിമിക്രി.....

ശരി എന്തായാലും കോഴി ഇല്ല...കപ്പ + കാന്താരിമുളക്‌ + ഉപ്പ്‌ പിന്നെ കുറച്ച്‌ കളര്‍വെള്ളം....ഇന്നിതു കൊണ്ട്‌ ഒരു കുഞ്ഞി സപ്പറിലൊതുക്കാം.

സപ്പറിനിടയില്‍ ദാ വരുന്നു വാളുകളുടെഘോഷയാത്ര....

സുകുമാരേട്ടനാണ്‌..ഹഹാഹഹാ...വലിയ കപ്പാകിറ്റിയുള്ള
മനുഷ്യനാ....കണ്ടില്ലേ

ഇതാ മൂത്തവര്‍ പറയുന്നത്‌... എത്ര കപ്പാകിറ്റിയുണ്ടേലും..ചിലസമയത്ത്‌
അയ്യപ്പ ബൈജുവും വാള്‌ വെക്കുമെന്ന്‌....മനസ്സിലായോ...എവിടെ...

സുകുമാരേട്ടന്‍ കലാപരിപ്പാടികള്‍ തുടങ്ങി...

പൂരപാട്ട്‌.... തെറി മല്‍സരം..അവസാനമിത കടംകഥ..

കോഴിയില്ലെങ്കിലും സപ്പര്‍ സുകുമാരേട്ടന്‍ പൊടിപൊടിച്ചു..

സുകുമാരേട്ടന്റെ ആദ്യചോദ്യം...

ഒരാള്‍ ഒരു വീടിന്റെ വാതിലില്‍ മുട്ടി...അപ്പോ അകത്ത്‌ നിന്നൊരു സ്ത്രീ
ശബ്ദം..ആരാ??പുറത്ത്‌ നിന്ന ആള്‍ പറഞ്ഞു.... '' നിന്റെ അമ്മായിയമ്മയുടെ അമ്മയാണ്‌
എന്റെ അമ്മായിയമ്മ....അകത്തുള്ള സ്ത്രീ വാതില്‍ തുറന്നു..... അപ്പോ പുറത്ത്‌ നിന്നിരുന്ന ആള്‍ അകത്തുള്ള സ്ത്രീയുടെ ആരാണ്‌..??

സത്യം പറഞ്ഞാല്‍ അന്ന്‌ ഞങ്ങളാരും ഉത്തരം പറഞ്ഞില്ലാ ...പിറ്റേന്ന്‌
സുകുമാരേട്ടനെ തിരഞ്ഞ്‌ പിടിച്ച്‌ ഉത്തരം മനസ്സിലാക്കി....ഹഹാഹാ
ആലോചിച്ചപ്പോ..വെരി സിംമ്പില്‍......

പിന്നെയും വരുന്നു സുകുമാരേട്ടന്റെ ചോദ്യങ്ങള്‍...ജീവിതത്തില്‍ ഏറ്റവും നല്ല സുഖമനുഭവിച്ച നിമിഷം..???

അല്ല അതെന്ത്‌ സുഖം....അങ്ങിനെയും സുഖങ്ങള്‍ ഉണ്ടോ...

അദ്യം രതീഷ്‌ ഉത്തരം പറഞ്ഞു...അച്ഛന്റെ പോക്കറ്റില്‍ നിന്നും കാശ്‌ അടിച്ചു
മാറ്റി...ഹോട്ടലില്‍ പോയി ഒരു ഫുല്‍ മട്ടന്‍ ബിരിയാണി സ്വന്തമായി
അകത്തക്കിയ ആ സുഖം ജീവിതത്തില്‍ മറക്കാന്‍ കഴിയില്ല...

ഹഹാഹഹാ.....സുകുമാരേട്ടന്റെ ചിരി...ഞങ്ങളും കൂടെ കൂടി

ഇനി എന്റെ ഊഴം..സത്യം പറയാം ഞാനനുഭവിച്ച സുഖം.....ആദ്യമായി
സൂകൂളില്‍ പോയി തിരിച്ച്‌ വരുബോല്‍ തിമിര്‍ത്ത്‌ പെയ്യ്‌ത മഴയില്‍ നന്നഞ്ഞ്‌
കുളിരുമായി വീട്ടില്‍ വന്ന്‌ കയറിയ നേരം...

അമ്മ ഓടി വന്ന്‌ അമ്മയോടടുപ്പിച്ച്‌ തല തുവര്‍ത്തി തന്ന ആ സുഖം..

മറന്നില്ല ഞാനിന്നും..

ഷെരീന്റെ സുഖം....അവനിങ്ങനെ പറഞ്ഞു.... മുതുകില്‍ ചൊറിയാന്‍ തോന്നുബോല്‍ ഷര്‍ട്ടൂരി..ഏതെങ്കിലും ചുമരിനോട്‌ ചേര്‍ന്ന്‌ നിന്നു മുതുക്കുരയ്‌കുബോലുള്ള സുഖം...

മറക്കാന്‍ പറ്റില്ല.....ഹിഹിഹീഇ

സുകുമാരേട്ടന്‍ നിറഞ്ഞമിഴിയോടെ എന്നെ നോകി....

പാവം സുകുമാരേട്ടന്‍ അമ്മയെ കണ്ടിട്ടില്ല....മരിച്ചതല്ല....

എവിടെക്കോ പോയതാണ്‌...

സുകുമാരേട്ടന്‍ തുടര്‍ന്നു....

അപ്പോ ഞാന്‍ എന്റെ സുഖം പറയട്ടെ...

ശരി പറയൂ........ആ സുഖമറിയാന്‍ ഞങ്ങള്‍ ആകാംഷയോടെ

സുകുമാരേട്ടന്റെ വായിലേക്ക്‌ ചെവികൂര്‍പ്പിച്ചിരുന്നു

നന്നായി ഭക്ഷണം കഴിക്കുക..എന്നിട്ട്‌ കിടന്നുറങ്ങുക...കുറെ കഴിയുബോല്‍
വീണ്ടും ഭക്ഷണം കഴിക്കുക....വീണ്ടും ഉറങ്ങുക...ഇങ്ങിനെ
ചെയ്യുന്നതിനിടയില്‍ മൂത്രമൊഴിക്കാന്‍ മുട്ടും..

പക്ഷേ ഒഴിക്കരുത്‌...അങ്ങിനെ ഉണ്ണുക...ഉറങ്ങുക....

മൂത്രം ഒഴിക്കാന്‍ മുട്ടിയാല്‍ ഒഴിക്കാതെ പിടിച്ചു നിര്‍ത്തുക........

അവസാനം ഇപ്പോ മുത്രമൊഴിച്ചു പോക്കുമെന്ന
അവസ്ഥയിലെത്തുബോല്‍ ഓടി പോയി മൂത്രമൊഴിക്കുക....

ആവൂ ആ സമയത്തുണ്ടാക്കുന്ന ആ സുഖം....അതാണ്‌ മക്കളെ ജീവിത സുഖം..

ചിരി നിര്‍ത്താന്‍ കഴിഞ്ഞില്ല.......സുകുമാരേട്ടന്റെ ഭാവം നിറഞ്ഞ
അവതരണവും......അങ്ങിനെ മുട്ടലിന്റെ സുഖത്തില്‍ ഒരു സപ്പറിന്‌ കൂടി
തിരശ്ശീല വീണു.

ഇന്നും കൊച്ചു കൊച്ചു ഫലിതങ്ങളുമായി...സുകുമാരേട്ടന്‍ ജീവിക്കുന്നു

നന്‍മകള്‍ നേരുന്നു

ഹലോ ഡോക്‌ടര്‍ - വഴിയോരക്കാഴ്ചകള്‍ 17

ഹലോ ഡോക്‌ടറോട്‌ ചോദിക്കാം എന്ന പ്രോഗ്രമല്ലേ...??
അതേ....അരാണ്‌ സംസാരിക്കുന്നത്‌..??
ഞാന്‍ ഡിക്രൂസ്‌...എവിടുന്നാണ്‌ വിളിക്കുന്നത്‌..??
കോട്ടയത്ത്‌ നിന്ന..
അയ്യോ നിന്നാണോ വിളിക്കുന്നത്‌...അവിടെ ഇരുന്ന്‌ വിളിച്ചൂടെ
ഓഹ്‌ തമാശക്കാരിയാണല്ലോ...
ഹലോ ഡിക്രൂസ്‌ കേള്‍ക്കാമോ...
കേള്‍ക്കാമോ എന്ന്‌ ചോദിക്കുന്നത്‌ കേള്‍ക്കാം
എങ്കില്‍ ഡോക്‌ടറോട്‌ സംസാരിച്ചോളൂ...
ഹലോ ഡോക്‌ടര്‍...സുഖാണോ...
അതേ ഡിക്രൂസ്‌..പറയൂ
ഡോക്‌ടര്‍ കഴിഞ്ഞ ആഴ്‌ച്ച ഞാന്‍ വിളിച്ചിരുന്നു ഓര്‍മ്മയുണ്ടോ....
അന്ന്‌ തക്കാളി പനിക്ക്‌ കൊടുക്കേണ്ട മരുന്നിനെ കുറിച്ചറിയാന്‍..

അതെ ഓര്‍ക്കുന്നു ഡിക്രൂസ്‌..ഇപ്പോ എങ്ങിനെയുണ്ട്‌..??
ഇപ്പോ കുറവുണ്ട്‌... പിന്നെ ഡോക്‌ടര്‍ ഇപ്പോ ഒരു പുതിയ പനി വന്നിട്ടുണ്ടല്ലോ...
തൊട്ടാവാടി എന്നും പറഞ്ഞ്‌ അതിന്‌ എന്ത്‌ തരം മരുന്ന കൊടുക്കേണ്ടത്‌ ??

അയ്യോ ഇതാര്‍ക്ക ഇപ്പോ തൊട്ടാവാടി പിടിപ്പെട്ടത്‌..
കഴിഞ്ഞയാഴ്‌ച്ചയല്ലേ ചികന്‍ഗുനിയ പിടിച്ചെന്ന്‌ പറഞ്ഞ്‌ ഡിക്രൂസ്‌ വിളിച്ചത്‌ ,
അന്ന്‌ കഴിക്കേണ്ട മരുന്നുകളുടെ പേരൊക്കെ പറഞ്ഞു തന്നതല്ലേ

അതെ ഡോക്‌ടര്‍ ആ മരുന്നുകള്‍ ഇപ്പോ ധൈര്യമായി കൊടുക്കുന്നുണ്ട്‌...
ഇത്‌ വരെ പ്രശ്‌നമൊന്നുമുണ്ടായിട്ടില്ല..ഇപ്പോ തൊട്ടാവാടിയുടെ സീസണല്ലേ
അതറിയാണാണ്‌ വിളിച്ചത്‌..

അപ്പോ വീട്ടിലുള്ള എല്ലാരും അസുഖക്കാരാണോ ഡിക്രൂസ്‌

അല്ല ഡോക്‌ടര്‍ ഇവിടെ വീട്ടില്‍ ഇരുന്ന്‌ തപാലിലൂടെ ഡോക്‌ടറാവാനുള്ള
കോഴ്‌സ്‌ പഠിക്കുവാണ്‌... തരകേടില്ലാതെ രോഗികളും വരുന്നുണ്ട്‌...
ഡോക്‌ടറുടെ നിര്‍ദേശം കിട്ടിയിട്ടു വേണം തൊട്ടാവാടിക്ക്‌ മരുന്ന്‌ കുറിച്ച്‌ കൊടുക്കാന്‍..

ഹലോ ഡിക്രൂസ്‌ തങ്കളുടെ അഡ്രസ്സ്‌ പറയൂ..
ആ വേല മനസ്സിലിരിക്കട്ടെ ഡിക്രൂസ്‌ ആരാ മോന്‍.....

‍ഹലോ ഡിക്രൂസ്‌ ഹലോ...ഹലോ...

ഡിക്രൂസുണ്ടോ കേള്‍ക്കുന്നു........നാളെ സ്റ്റീഫനായിട്ടായിരിക്കും ഡിക്രൂസ്‌ വിളിക്കുക.......
ഡിക്രൂസിനെ പോലെയുള്ളവര്‍ നിസ്സാരക്കാരല്ല ..ചേരയുടെ നാട്ടില്‍ ചെന്നാല്‍
നടുകഷ്‌ണം തിന്നണമെന്ന്‌ കേട്ടിട്ടില്ലേ...അവരും അതാണ്‌ ചെയ്യുന്നത്‌......
ഇവരെ സംരക്ഷിക്കാന്‍ സമൂഹത്തിലെ ഉന്നതര്‍ കൂടെയുണ്ടു

പക്ഷേ കൊഴിഞ്ഞു വീഴുന്ന ജീവന്‌ ആരാണ്‌ ഉത്തരം നല്‍ക്കുക...??
വ്യാജ ഡോക്‌ടര്‍മാരുടെ അറിവില്ലായ്യ്‌മയില്‍ ജീവന്‍ പൊലിഞ്ഞ
എത്ര എത്ര കദനകഥകള്‍ നമ്മുക്ക്‌ ചുറ്റിലും...

അനുഭവം: ഓപ്പറേഷന്‍ കഴിഞ്ഞ്‌ വന്ന അമ്മാവന്‌ കലശലായ വയറ്‌ വേദന..വീണ്ടും ആശുപത്രിയിലേക്ക്‌..വീണ്ടുമൊരു ഓപ്പറേഷന്‍...ഇപ്പോ വേദന മാറി.പരിച്ചയമുള്ള അവിടുത്തെ നേഴ്‌സ്‌ പറഞ്ഞത്‌ കേട്ട്‌ അന്തം വിട്ടിരുന്നു പോയി........പഞ്ഞിയുടെ (കോട്ടണ്‍ ) ഒരു കെട്ട്‌ വയറിനകത്ത്‌ മറന്നു വെച്ചതാണത്രേ വേദനക്ക്‌ കാരണം.
തിരിച്ചു നല്‍ക്കാനാവാത്ത ജീവന്‍ വെച്ചുള്ള കളികള്‍ വേണോ വ്യാജ പൂജ്യ ഡോക്‌ടര്‍മാരേ..........???

നന്‍മകള്‍ നേരുന്നു

ഗള്‍ഫ്‌ സ്റ്റാര്‍ ബ്യൂറോ - വഴിയോരക്കാഴ്ചകള്‍ 16

കണാരേട്ടന്റെ ചായകടയില്‍ പത്രം വായിച്ചിരിക്കുകയായിരുന്നു കരീം മാഷ്‌ .
അപ്പോഴാണ്‌ ബ്രോക്കര്‍ മമ്മാലി കയറി ചെന്നത്‌. പത്രത്തില്‍ നിന്നും മാഷ്‌
കണ്ണുകള്‍ മമ്മാലിയിലേക്ക്‌ സെന്റ്‌ ചെയ്യ്‌തു,

മമ്മാലിയേ എന്തുണ്ട്‌ വിശേഷം..??

സുഖാണ്‌ മാഷേ

എങ്ങിനെ പോണു നിന്റെ കൂട്ടി യോജിപ്പിക്കല്‍സ്സ്‌..??
നാട്ടില്‌ ആണ്ണും,പെണ്ണും..ധാരാളം ഉള്ളത്‌ കൊണ്ട്‌ തരകേടില്ല. പക്ഷേ ഇപ്പോ
ഇന്റര്‍ നെറ്റ്‌ വന്നപ്പോ കല്യാണം കഴിഞ്ഞു പോക്കുന്നത്‌ പോലും
നമ്മളറിയുന്നില്ല...

പിന്നെ മാഷേ ഒരു കാര്യം പറയാനുണ്ട്‌...എന്താ മമ്മാലിയേ..
നമ്മുടെ ബീരാനിക്കാന്റെ മോള്‍ക്ക്‌ ഞാനൊരു കല്യാണം ശരിയാക്കിയില്ലേ..ഒരു
ഗള്‍ഫുകാരന്‍

അതെ കല്യാണ തിയ്യതി ഉറപ്പിച്ചല്ലേ അവര്‍ മടങ്ങിയത്‌..മമ്മാലിയേ

അതെ മാഷേ ശരിയാണ്‌ അവര്‍ ഇന്നലെ വിളിച്ചിരുന്നു
എന്നിട്ട്‌...

അവര്‍ക്ക്‌ ഈ കല്യാണത്തിന്‌ താല്‍പര്യമില്ലാന്ന്‌

എന്ത കുട്ടിയെ ഇഷ്ടായിട്ടല്ലേ തിയ്യതി ഉറപ്പിച്ചത്‌ പിന്നെ പെട്ടെന്ന്‌
ഇങ്ങിനെ....അത്യാവശ്യം വിദ്യഭ്യാസമുണ്ട്‌...കാണാന്‍ ഭംഗിയുമുണ്ട്‌...പിന്നെ
ബീരാനിക്കാന്റെ കുടുംബം..നല്ലവരാണല്ലോ..

അതൊക്കെ അവര്‍ക്കറിയുന്ന കാര്യമാണ്‌..മാഷേ

നീ അപ്പോ കാരണം ചോദിച്ചില്ലേ ??

ചോദിച്ചു മാഷേ... അവര്‍ക്ക്‌ ഓഫര്‍ പോരാന്ന്‌..പയ്യന്‍ ഗള്‍ഫിലാണ്‌...ഇത്ര
കിട്ടിയ മതിയാവൂല്ലാന്ന്‌..

പയ്യന്‍ ഗള്‍ഫില്‍ സൂപ്പര്‍ മാര്‍ക്കറ്റില്ലാണ്‌ എന്നാണല്ലോ ബീരാന്‍
പരഞ്ഞത്‌...ഹഹാഹഹാ...മാനേജര്‍ ഒന്നുമല്ലല്ലോ..
അവിടെകൂടി പോയ രണ്ടായിരം റിയാല്‍ കിട്ടുമായിരിക്കും
അതിലും കൂടുതല്‍ ഇവിടെ
തെങ്ങ്‌ കയറുന്ന അയ്യപ്പന്‍ ഉണ്ടാക്കും..

ഗള്‍ഫുക്കാരനാണെങ്കിലും ഒരു മര്യാദ വേണ്ടേ...
ബീരാനിക്ക രണ്ട്‌ ലക്ഷവും, ഇരുപത്തഞ്ച്‌ പവനും കൊടുക്കാമെന്ന്‌
പറഞ്ഞതാണല്ലോ..അത്‌ പോരാന്നോ..ഇവനേത്‌ ഗള്‍ഫാ...???

അന്‍പത്‌ ലക്ഷത്തിന്റെ ഫ്ലറ്റിന്‌ ചങ്ക്‌ പൊട്ടി പാടുന്ന റിയാലിറ്റി ഷോ ഒന്നും
ഗള്‍ഫുക്കാര്‍ കാണറില്ലേ...അതിനേക്കാളും കഷ്ടപ്പാടാണോ അവിടെ ജോലി..
പെണ്ണ്‌ കെട്ടി സ്ത്രീധനവും കൊടുത്ത്‌ വിസ വാങ്ങും പിന്നെ ഗള്‍ഫില്‍ പോയി
പത്ത്‌ കാശ്‌ ആയാല്‍ പെണ്ണിന്‌ നിറമില്ല...സ്വഭാവം ശരിയല്ല എന്തൊക്കെ
ഗുലുമാലാണ്‌

മാഷേ അതിപ്പോ നമ്മുടെ തെറ്റാണോ...??

ഗള്‍ഫുക്കാരനേ പെണ്ണ്‌ കൊടുകൂ എന്ന്‌ പറയുന്നവരും ഇവിടെ ഉണ്ട്‌.

ശരിയാ മമ്മാലി..നമ്മുടെ ആളുകളെ പറഞ്ഞാ മതി...

നാട്ടില്‍ മാന്യമായ ജോലിയുള്ളവനെയും പെണ്ണും കെട്ടിച്ച്‌ ഗള്‍ഫിലേക്ക്‌ തള്ളി വിടുന്ന
രക്ഷിതാക്കല്‍ ഇവിടെ ധാരാളമുണ്ട്‌...ഗള്‍ഫിലെ അവസ്ഥ നേരില്‍ കാണണം.
കൂട്ടുക്കാരുടെ ആടുക്കല്‍ നിന്നും കടം വാങ്ങി നാട്ടിലേക്ക്‌ പോകുന്ന ഗള്‍ഫുക്കാരന്‍..നാട്ടില്‍ ചെന്ന അവന്റെ പത്രാസ്‌...

ഓ..ഗള്‍ഫുക്കാരാ...യു ആര്‍ ദ ഗ്രൈറ്റ്‌..

മാഷേ പണ്ടത്തെ കാലമല്ല ഇന്ന്‌..പെണ്ണിന്‌ ഭംഗിയോ..വിദ്യഭ്യാസമോ..വേണമെന്നില്ല...കാശുണ്ടായാല്‍ മതി
ആരാ ഇന്ന്‌ കുടുംബത്തിന്റെ സംഗതികള്‍ നോകുന്നത്‌..?
പെര്‍ഫോമന്‍സ്‌ നന്നായാല്‍ മതി.

ബീരാനിക്കന്റെ മോളെ കാണാന്‍ വന്ന പയ്യന്‌ നല്ലൊരു ഓഫര്‍ കിട്ടിയത്രേ...നൂറ്‌ പവനും..ഒരു ആള്‍ട്ടോ കാറും..

അപ്പോ പറഞ്ഞിട്ട്‌ കാര്യമില്ല വര്‍ഷങ്ങളായിട്ട്‌ മരുഭൂമിയില്‍ പെടാപാട്‌ പ്പെടുന്ന പ്രവാസിക്ക്‌ ഇത്‌ തായ്‌ലാന്റോ...തംബോലയോ അടിക്കുന്ന സന്തോഷമല്ലേ കൊടുക്കുന്നത്‌..
ഇവിടെ വന്ന്‌ നോക്കണം അവന്റെ അവസ്ഥയറിയാന്‍..

വെറുതെയല്ല ആളുകള്‍ വിസ തപ്പി നടക്കുന്നത്‌ പേരിനൊരു ഗള്‍ഫുക്കാരന്റെ ലേബല്‍ മതി പെണ്ണും , പണവും , കാറും റെഡി

പിന്നെ ജീവിതം ജിന്‍ഗ ലാലാ...


( പണ്ട്‌ ഒരു ഗള്‍ഫുക്കാരന്‍ ആഡ്‌നോകിലാണ്‌ പണി എന്നും പറഞ്ഞ്‌ പെണ്ണ്‌ കെട്ടിയത്‌ ഓര്‍ക്കുന്നു. അഡ്‌നോക്‌ ഗള്‍ഫിലെ വലിയ പെട്രോളിയം കബനിയാണ്‌..അളിയന്‍ ഗള്‍ഫില്‍ ചെന്നപ്പോഴല്ലേ അറിയുന്നത്‌ ആട് നെ നോക്കുന്ന പണിയാണെന്ന്‌ ആട്‌ നോക്‌ )


നന്‍മകള്‍ നേരുന്നു